СЯРГЕЕЎ Аляксандр Рыгоравіч

[1921, Ракаў Цвярской губ., цяпер Цвярская вобл., Расія — ?], службовец, вайсковец. З сялянскай сям’і. Удзельнік 2-й сусветнай вайны. Падчас арышту дыспетчар камунальна-эксплуатацыйнай службы Мінскага гарнізона. Быў жанаты, гадаваў дзіця. Арыштаваны 11.5.1957 у Мінску па адрасе: вул. Стаханаўская, д. 21, кв. 27. Асуджаны 18.7.1957 за «антысавецкую агітацыю і прапаганду» да 3 гадоў пазбаўлення волі. Этапаваны ў Дубраўны канцлагер МУС Мардоўскай АССР. Далейшы лёс невядомы. Рэабілітаваны судовай калегіяй па крымінальных справах Вярхоўнага суда РБ 11.8.1995. Асабовая справа С. № 36713-с з фотаздымкам захоўваецца ў архіве КДБ Беларусі.