СЕМЯНЯН Аляксандр Раманавіч

[1914, в. Забалаць Бабруйскага пав. Мінскай губ., цяпер Любанскі р-н Мінскай вобл. — ?], журналіст (?). З сялянскай сям’і. Атрымаў сярэднюю адукацыю. Працаваў у газ. «Калгаснік Любані». Арыштаваны 27.2.1933 у в. Забалаць. Асуджаны паводле пастановы калегіі АДПУ 10.8.1933 як «член контррэвалюцыйнай арганізацыі» да 3 гадоў пазбаўлення волі. Пакаранне адбываў у Казахстане. Далейшы лёс невядомы. Рэабілітаваны судовай калегіяй па крымінальных справах Вярхоўнага суда БССР 24.8.1956. Асабовая справа С. № 14618-с захоўваецца ў архіве КДБ Беларусі.

Кр. геагр.: Назвы населеных пунктаў.

[Паводле кнігі: т. III, кн. 2, с. 286–287]