МЯНЖЫНСКАЯ Яніна Уладзіславаўна

[1913, Мінск — ?], навуковец. З сям’і рабочага. Атрымала вышэйшую адукацыю. Працавала старшым навуковым супрацоўнікам Мінскага дзяржаўнага архіва. Арыштавана 17.12.1944 у Мінску па адрасе: вул. Слонімская, д. 40, кв. 1. Асуджана асобай нарадай пры НКВД 21.7.1945 за «супрацоўніцтва з нямецкімі акупантамі» да 4 гадоў папраўча-працоўных работ. Этапавана ва Унжэнскі канцлагер НКВД Горкаўскай вобл. (ст. Сухабязводная). Вызвалена 28.1.1948. Далейшы лёс невядомы. Рэабілітавана прэзідыумам Мінскага абл. суда 28.12.1989. Асабовая справа М. № 29058-с захоўваецца ў архіве КДБ Беларусі.

[Паводле кнігі: т. III, кн. 2, с. 121]