СЕРГІЕВІЧ Ядвіга Францаўна

[1912, Мінск — ?], артыстка. З сялянскай сям’і. Атрымала сярэднюю музычную адукацыю. Спявала ў хоры кансерваторыі. У час 2-й сусветнай вайны заставалася на акупаванай тэрыторыі. Арыштавана 17.12.1944 у Мінску па адрасе: вул. Усходняя, д. 24, кв. 1. Асуджана асобай нарадай пры НКВД 26.12.1945 за «супрацоўніцтва з нямецкімі акупантамі» да 5 гадоў пазбаўлення волі. Пакаранне адбывала ў в. Упорава Цюменскай вобл. Вызвалена 17.12.1949. Далейшы лёс невядомы. Рэабілітавана прэзідыумам Мінскага абл. суда 8.8.1990. Асабовая справа С. № 31510-с захоўваецца ў архіве КДБ Беларусі.

[Паводле кнігі: т. III, кн. 2, с. 287–288]