ТАЧЫЦКІ Фелікс Герасімавіч

[1910, в. Брусы Вілейскага пав. Віленскай губ., цяпер Мядзельскі р-н Мінскай вобл. — 4.3.1938 (?), Мінск, турма НКВД], навучэнец, брат А.Тачыцкага і І.Тачыцкага. З сялянскай сям’і. Скончыў Брусаўскую пачатковую школу, Мядзельскую гімназію. У 1932, каб не служыць у польскай арміі, з дапамогай бацькі нелегальна перайшоў савецка-польскую мяжу і прыехаў у Мінск да братоў. Працягваў вучыцца і адначасова працаваў. Арыштаваны ў пачатку ліст. 1937. Асуджаны як «агент буржуазнай польскай разведкі» да ВМП. Расстраляны.