ПІКУС Элькан (Мікалай) Іосіфавіч

[1905, мяст. Койданава Мінскай губ., цяпер Дзяржынск Мінскай вобл. — ?], педагог. З сям’і рабочага. Атрымаў вышэйшую адукацыю. У 1930-я г. выкладаў у МВПІ. Быў жанаты, гадаваў дзіця. Арыштаваны 25.5.1948 у Мінску па адрасе: Няміжскі зав., д. 11/3. Асуджаны 26.2.1949 за «прыналежнасць да трацкісцкай групы» і «антысавецкую агітацыю» да 10 гадоў ППК з канфіскацыяй маёмасці. Этапаваны ў Дубраўны (былы Цемнікоўскі) канцлагер МДБ Мардоўскай АССР. Вызвалены ў 1956. Рэабілітаваны судовай калегіяй па крымінальных справах Вярхоўнага суда БССР 10.9.1956. Далейшы лёс невядомы. Асабовая справа П. № 6901-с з фотаздымкам захоўваецца ў архіве КДБ Беларусі.

[Паводле кнігі: т. III, кн. 2, с. 179]