МАРЦІНЧЫК Іван Міхайлавіч

[1903, в. Кубельнікі Гродзенскага пав., цяпер Бераставіцкі р-н Гродзенскай вобл. — 17.5.1934, Мінск, НКВД], педагог, брат Мікалая Марцінчыка. З сялянскай сям’і. Атрымаў вышэйшую адукацыю. Выкладаў у Мінскім аўтадаpожным тэхнікуме. Арыштаваны 31.8.1933 у Мінску па адрасе: вул. Рэвалюцыйная, д. 22, кв. 8. Асуджаны 9.1.1934 паводле пастановы калегіі АДПУ СССР як «член контррэвалюцыйнай арганізацыі БНЦ» да ВМП. Расстраляны. Рэабілітаваны трыбуналам БВА 18.4.1956. Асабовая справа М. № 10182-с (спынена 16.8.1956) з фотаздымкам захоўваецца ў архіве КДБ Беларусі.

Кр. геагр.: Рапановіч. Слоўнік геаграфічных назваў.

[Паводле кнігі: т. III, кн. 2, с. 91]