СЕМЯНЧУК Іосіф Акімавіч

[1902, мяст. Міхалова-Нязбуднае Беластоцкага пав. Гродзенскай губ., цяпер Падляшскае ваяв., Польшча — 26.12.1937, Мінск, НКВД], педагог, вайсковец. З сям’і рабочага. Атрымаў сярэднюю спецыяльную адукацыю. У 1923—35 ваеннаслужачы Чырвонай арміі. У 1926—35 член ВКП(б). Падчас арышту выкладаў ваенную справу ў Інстытуце нацыянальных меншасцяў і школе № 25. Арыштаваны 19.11.1937 у Мінску па адрасе: вул. Свярдлова, д. 36, кв. 5. Асуджаны «тройкай» НКВД 17.12.1937 як «член ПАВ» і «шпіён» да ВМП. Расстраляны. Рэабілітаваны трыбуналам БВА 24.8.1959. Асабовая справа С. № 14638-с захоўваецца ў архіве КДБ Беларусі.

[Паводле кнігі: т. III, кн. 2, с. 285]