ШЭЙМАН Хаім Ісакавіч

[1900, в. Кузніца Сакольскага пав. Гродзенскай губ., цяпер Падляшскае ваяв., Польшча — 14.10.1938, НКВД], педагог. З сям’і службоўца. Атрымаў вышэйшую адукацыю. У 1922—28 служыў у польскай арміі. Падчас арышту выкладчык Магілёўскага педагагічнага інстытута. Арыштаваны 11.2.1938. Асуджаны 30.9.1938 «тройкай» НКВД за «шпіянаж» да ВМП. Расстраляны. Рэабілітаваны 16.1.1989 калегіяй Вярхоўнага суда БССР. Асабовая справа Ш. № 11762 захоўваецца ў архіве УКДБ Магілёўскай вобл.

Кр. геагр.: Волости и важнейшие селения.

[Паводле кнігі: т. III, кн. 2, с. 469–470]