ШЧЫГЕЛЬСКІ Кастусь

[19.10.1900, Бабруйск Мінскай губ., цяпер Магілёўскай вобл. — ?], педагог, паліт. дзеяч. Скончыў Бабруйскую мужчынскую гімназію (1918), настаўнічаў на Бабруйшчыне, ствараў бел. школьніцтва. Сябра БПС-Р і Беларускага культурна-асветнага гуртка настаўнікаў Бабруйскага і Слуцкага пав. У ліст. 1919 абраны ў склад Рады БНР. У лют. 1921 арыштаваны бальшавікамі. Далейшы лёс невядомы.

Літ.: Ляхоўскі Ул. Беларуская справа падчас польскай акупацыі 1919—1920 гг. // Спадчына. 1994. № 6.

[Паводле кнігі: т. III, кн. 2, с. 462–463]