ЛУШЧЫЦКІ Васіль Васілевіч

[1898, в. Руднае Слуцкага пав. Мінскай губ., цяпер Капыльскі р-н Мінскай вобл. — ?], педагог. З сялянскай сям’і. Атрымаў вышэйшую адукацыю. Выкладаў на Тарфяным рабфаку Беларускага політэхнічнага інстытута (?). Арыштаваны 10.4.1933 у Мінску па адрасе: 1-ы Свярдлоўскі зав., д. 11, кв. 3. Асуджаны паводле пастановы калегіі АДПУ 10.8.1933 як «член контррэвалюцыйнай нацдэмаўскай арганізацыі» да 3 гадоў ППК. Рэабілітаваны судовай калегіяй па крымінальных справах Вярхоўнага суда БССР 24.8.1956. Далейшы лёс невядомы. Асабовая справа Л. № 14618-с з фотаздымкам захоўваецца ў архіве КДБ Беларусі.

Кр. геагр.: Назвы населеных пунктаў.

[Паводле кнігі: т. III, кн. 2, с. 43]