РАГІНСКАЯ Яўгенія Аляксееўна

[1896, Тарнопаль — ?], памешчыца. З польскай шляхецкай сям’і. Атрымала сярэднюю спецыяльную адукацыю. Жыла ў сваім маёнтку на хут. Падлессе Астравецкага р-на. Была замужам, мела дваіх дзяцей. Арыштавана 6.9.1944. Асуджана 1.12.1945 асобай нарадай НКВД як «сацыяльна-небяспечны элемент» да 5 гадоў ссылкі. Этапавана ў Краснаярскі край. Вызвалена 6.9.1949. Далейшы лёс невядомы. Рэабілітавана 25.10.1994 пракуратурай Гродзенскай вобл. Асабовая справа Р. № П-21407 з фотаздымкам захоўваецца ў архіве УКДБ Гродзенскай вобл.