ЦЕПЛІЦ Барыс Ісакавіч

[1895, Барысаў Мінскай губ., цяпер райцэнтр Мінскай вобл. — 19.5.1952, ГУЛАГ], педагог. Атрымаў вышэйшую адукацыю. У 1918—22 член камітэта яўрэйскай нацыяналістычнай арганізацыі «Паалей-Цыён», затым уступіў у ВКП(б) (выключаны ў 1924). Працаваў выкладчыкам будаўнічых курсаў пры Міністэрстве сельскай гаспадаркі БССР. Быў жанаты. Арыштаваны 31.12.1948 у Мінску па адрасе: вул. Рэвалюцыйная, д. 6, кв. 7. Асуджаны 27.4.1949 асобай нарадай пры МДБ як «член антысавецкай нацыяналістычнай арганізацыі» да 10 гадоў ППК. Этапаваны ў Азёрны канцлагер МДБ Іркуцкай вобл., затым у Тайшэцкі канцлагер МДБ Іркуцкай вобл. (Брацк). Загінуў у зняволенні. Рэабілітаваны калегіяй па крымінальных справах Вярхоўнага суда БССР 29.3.1963. Асабовая справа Ц. № 7052-с з фотаздымкам захоўваецца ў архіве КДБ Беларусі.