ПАПЯНЫШАВА Варвара Сяргееўна

[1893, Белеў Тульскай губ., цяпер Тульская вобл., Расія — ?], навуковец. З сям’і службоўца. Атрымала вышэйшую адукацыю. Выйшла замуж, гадавала дзіця. Падчас арышту навуковы супрацоўнік Дзяржплана БССР. Арыштавана 2.12.1930 у Мінску па адрасе: вул. Даўгабpодская, д. 11. Асуджана паводле пастановы калегіі АДПУ СССР 30.5.1931 як «член контррэвалюцыйнай арганізацыі «Працоўная сялянская партыя» да 3 гадоў пазбаўлення волі. Пакаранне адбывала ў Казахстане. Далейшы лёс невядомы. Рэабілітавана трыбуналам БВА 22.4.1958. Асабовая справа П. № 11847-с з фотаздымкам захоўваецца ў архіве КДБ Беларусі.

Кр. геагр.: Административно-территориальное деление союзных республик.