СЕЛІВАНАЎ Антон Зіноўевіч

[1890, с. Багаслова Тульскай губ., цяпер Тульская вобл., Расія — ?], педагог. З рускай сялянскай сям’і. Атрымаў вышэйшую адукацыю. Падчас арышту выкладчык Магілёўскага педагагічнага інстытута. Арыштаваны 12.2.1938. Асуджаны 10.10.1938 «тройкай» НКВД як «член партыі эсэраў, які вёў актыўную барацьбу з бальшавікамі» да 5 гадоў ППК з канфіскацыяй маёмасці. Далейшы лёс невядомы. Рэабілітаваны 26.10.1956 калегіяй Вярхоўнага суда БССР. Асабовая справа С. № 3974 захоўваецца ў архіве УКДБ Магілёўскай вобл.

Кр. геагр.: Административно-территориальное деление союзных республик.

[Паводле кнігі: т. III, кн. 2, с. 284]