САКУН Фёдар Вікенцевіч

[1890, в. Галавачы Гродзенскага пав., цяпер Гродзенскі р-н — ?], марскі афіцэр. З бел. сялянскай сям’і. Атрымаў сярэднюю спецыяльную адукацыю, уступіў у ВКП(б) (1927). Да арышту капітан 3-га рангу 3-й базы падводных лодак Чырвонасцяжнага Балтыйскага флоту. Арыштаваны 20.7.1938 у Ленінградзе. Абвінавачваўся ў «шпіянажы». Вызвалены і рэабілітаваны ў перыяд 1—4.2.1939. Далейшы лёс невядомы. Асабовая справа С. № П-7549 з фотаздымкам захоўваецца ў архіве УКДБ Гродзенскай вобл.

Кр. геагр.: Волости и важнейшие селения; Рапановіч. Слоўнік геаграфічных назваў.