СТРЫЕЎСКІ Канстанцін Канстанцінавіч

[1885, мяст. Гальшаны Ашмянскага пав. Віленскай губ., цяпер Ашмянскі р-н Гродзенскай вобл. — 21.4.1938, Масква, «Камунарка», НКВД], службовец, партыйны работнік. З бел. сям’і. Апошняе месца работы — старшыня ЦК Саюза рабочых цяжкага машынабудавання, неаднаразова выбіраўся ў кіруючыя органы ВКП(б). Арыштаваны 22.11.1937 у Маскве па адрасе: Навінскі бульвар, д. 25/10, кв. 44. Асуджаны 8.4.1938 за «ўдзел у контррэвалюцыйнай тэрарыстычнай арганізацыі» да ВМП. Расстраляны. Рэабілітаваны ваеннай калегіяй Вярхоўнага суда СССР 21.1.1956.

Кр.: Расстрельные списки: «Коммунарка».

Кр. геагр.: Рапановіч. Слоўнік геаграфічных назваў.

[Паводле кнігі: т. III, кн. 2, с. 321–322]