МІХАЛЬЧЫК Аляксандр Севасцьянавіч

[1885, в. Вербалаты Слонімскага пав. Гродзенскай губ., цяпер Слонімскі р-н Гродзенскай вобл. — ?], педагог, верагодна, брат Рыгора Міхальчыка. З сялянскай сям’і. Атрымаў сярэднюю адукацыю. Працаваў настаўнікам у Аршанскай чыгуначнай школе Віцебскай вобл. Быў жанаты, меў дваіх дзяцей. Арыштаваны 1.8.1938 у Оршы. Асуджаны 28.9.1938 «тройкай» НКВД за «контррэвалюцыйную дзейнасць» да 5 гадоў ППК. Далейшы лёс невядомы. Рэабілітаваны Смаленскім абл. судом 23.11.1957. Асабовая справа М. № 7754-п захоўваецца ў архіве УКДБ Віцебскай вобл.

Кр. геагр.: Рапановіч. Слоўнік геаграфічных назваў.

[Паводле кнігі: т. III, кн. 2, с. 108]