НІКІФАРАЎ Васіль Кузьміч

[14.1.1907, в. Малакаўка, цяпер Іванаўская вобл., Расія — ?], навуковец, педагог. З сялянскай сям’і. У канцы 1920-х г. скончыў аспірантуру Маскоўскага дзяржаўнага ун-та. Без абароны дысертацыі (па сукупнасці навуковых работ) яму прысвоена ступень доктара хімічных навук. З 1933 прафесар, загадчык кафедры фізічнай хіміі БДУ. Арганізаваў першую на ф-це групу студэнтаў-даследчыкаў. Быў членам ВКП(б). Арыштаваны 23.6.1938 у Мінску на рабоце (у «хімічным» корпусе універсітэцкага гарадка). Асуджаны 19.2.1940 асобай нарадай пры НКВД як «удзельнік антысавецкай арганізацыі» да 5 гадоў ППК. Этапаваны ва Ухта-Іжэмскі канцлагер НКВД Комі АССР. Вызвалены 24.7.1943. Далейшы лёс невядомы. Рэабілітаваны трыбуналам БВА 20.1.1956. Асабовая справа Н. № 5874-с захоўваецца ў архіве КДБ Беларусі.

Кр. геагр.: Административно-территориальное деление союзных республик.

Літ.: Прафесары і дактары навук Беларускага дзяржаўнага універсітэта. Мн., 2001.