КАРАЧУН Аляксандр Васілевіч

[1904, Слуцк Мінскай губ., цяпер райцэнтр Мінскай вобл. — ?], жуpналіст. З бел. сялянскай сям’і. Атрымаў сярэднюю спецыяльную адукацыю. Уступіў у ВКП(б). Ажаніўся, гадаваў дзіця. Арыштаваны 5.4.1933 у Слуцку. Асуджаны 4.11.1933 калегіяй АДПУ як «член контррэвалюцыйнай арганізацыі» да 5 гадоў ППК (заменена на 5 гадоў высылкі ў Зах. Сібір). Далейшы лёс невядомы. Рэабілітаваны судовай калегіяй па крымінальных справах Вярхоўнага суда БССР 24.8.1956. Групавая справа К. і іншых № 14618-с захоўваецца ў архіве КДБ Беларусі.