ГУРЛО Сяргей Сямёнавіч

[1919, мяст. Капыль Слуцкага пав. Мінскай губ., цяпер райцэнтр Мінскай вобл. — ?], педагог, верагодна, сваяк А. К., А. В., і М. С. Гурло. З сялянскай сям’і. Меў незакончаную вышэйшую адукацыю. Падчас 2-й сусветнай вайны заставаўся на акупаванай тэрыторыі. Арыштаваны 12.8.1944. Асуджаны 17.1.1945 за «работу настаўнікам у школе ў перыяд нямецкай акупацыі» і як «член Беларускай краёвай абароны» да 10 гадоў ППК і 5 гадоў пазбаўлення правоў з канфіскацыяй маёмасці. Далейшы лёс невядомы. Рэабілітаваны 9.6.1970 судовай калегіяй па крымінальных справах Вярхоўнага суда БССР. Асабовая справа Г. № 20176-с з фотаздымкам захоўваецца ў архіве КДБ Беларусі.

[Паводле кнігі: т. III, кн. 2, с. 559]