ГАРБУЗ Сцяпан Кузьміч

[партыйны псеўданім: Пад­дуб­ны; 28.12.1894, в. Касцюкі Слуцкага пав. Мінскай губ., ця­пер Уздзенскі р-н Мінскай вобл. — 27.8.1944], дзеяч рэва­лю­цыйнага руху ў Зах. Беларусі. Скончыў Панявежскую на­стаў­ніцкую семінарыю (1916, у Мсціславе), БДУ (1925). З 1916 у арміі, потым настаўнічаў на Случчыне і Бабруйшчыне. Са студз. 1919 у Чырвонай арміі на Зах. фронце, уступіў у ВКП(б). З 1921 працаваў ва ўстановах Наркамасветы БССР, у ЦК КП(б)Б. У 1924—27 загадчык арганізацыйнага аддзела По­лацкага, сакратар Калінінскага акруговых камітэтаў КП(б)Б, нам. загадчыка арганізацыйнага аддзела ЦК КП(б)Б. Член ЦВК БССР (1927). Член ЦК КП(б)Б (1927—28). З 1928 на падпольнай рабоце ў Зах. Беларусі. З 1930 у Камуністычным універсітэце журналістыкі ў Маскве, на партыйнай і гас­па­дарчай рабоце. 20.7.1939 асуджаны трыбуналам Маскоў­скай ВА да 8 гадоў ППК. Загінуў у зняволенні. Рэабілітаваны.

Кр.: ЭГБ, т. 2.