АКСЕЛЬРОД Веніямін Сямёнавіч

[1902, в. Галаўніно (?) Магілёўскага (?) пав., цяпер Бялыніцкі р-н Магілёўскай вобл. — ?], педагог. З сям’і службоўца. Атрымаў вышэйшую адукацыю. У 1930-я г. выкладчык Горацкай сельскагаспадарчай акадэміі. Арыштаваны 10.12.1937. Абвінавачваўся ў «дзейнасці на карысць польскай разведкі». 29.4.1939 (?) пастановай следчага аддзела НКВД Магілёўскай вобл. вызвалены і рэабілітаваны. Далейшы лёс невядомы. Асабовая справа А. №4875 захоўваецца ў архіве УКДБ Магілёўскай вобласці.