КАПЛАН Абрам Мееравіч

[ліп. 1884, Мінск — ?], дзяржаўны дзеяч. З купецкай сям’і. Атрымаў вышэйшую адукацыю. Падчас арышту кіраваў прамысловай секцыяй (аддзелам) прэзідыума Дзяржплана БССР. Быў жанаты, меў дваіх дзяцей. Арыштаваны 12.12.1930 у Мінску па адрасе: вул. Кастрычніцкая, д. 7, кв. 10. Асуджаны паводле пастановы калегіі АДПУ СССР 23.7.1931 за «антысавецкую дзейнасць» да 10 гадоў папраўча-працоўных лагераў. Далейшы лёс невядомы. Рэабілітаваны пракуратурай БССР 20.10.1989. Асабовая справа К. № 30690-с з фотаздымкам захоўваецца ў архіве КДБ Беларусі.

[Паводле кнігі: т. III, кн. 1, с. 458]