КАРАСЬ Лявон

[1923, в. Дзямідзенкі Дзісенскага пав. Віленскага ваяв., цяпер Глыбоцкі р-н Віцебскай вобл. — 7.9.1954, Мюнхен, Германія], журналіст. Сябра СБМ. У 1944 выехаў з Беларусі ў эміграцыю. Жыў у Германіі, Вялікабрытаніі, з 1948 сябра маладзёжнай арганізацыі «Дванаццатка» (пра якую Я. Запруднік напісаў кнігу). Вучыўся ў Лювэнскім ун-це на агранамічным ф-це (Бельгія). Пераехаў у Мюнхен, дзе працаваў перакладчыкам на радыё «Вызваленне» («Свабода»). Забіты пры невысветленых абставінах. Паводле адной з версій, савецкімі агентамі.

Кр. геагр.: Рапановіч. Слоўнік геаграфічных назваў.

Літ.: Рагуля Б. Беларускае студэнцтва на чужыне. Лёндан — Нью-Ёрк. 1996; Ёрш С. Приказано уничтожить // День. 2002. 11 апр.

[Паводле кнігі: т. III, кн. 1, с. 460]