КАЛІНКАВЕЦ Васіль Васілевіч

[1919, в. Грышын, цяпер Данецкая (?) вобл., Украіна — ?], акцёр. З сялянскай сям’і. Працаваў у Пінскім гарадскім тэатры. Быў жанаты, гадаваў дваіх дзяцей. У час 2-й сусветнай вайны заставаўся на акупаванай тэрыторыі. Арыштаваны 13.12.1944. Асуджаны 5.4.1947 як «памагаты нямецкіх акупантаў» да 4 гадоў папраўча-працоўных лагераў. Далейшы лёс невядомы. Рэабілітаваны пракуратурай Брэсцкай вобл. 30.11.1992. Асабовая справа К. № 11284-С захоўваецца ў архіве УКДБ Брэсцкай вобл.