ЗВЯРЫНСКІ Вацлаў Міхайлавіч

[1908, в. Рудня Мінскага пав., цяпер Валожынскі р-н Мінскай вобл. — ?], музыкант. З сялянскай сям’і. Працаваў у аркестры Івянецкага «Корпуса аховы пагранічча». Быў жанаты, гадаваў дзіця. Арыштаваны 18.10.1939 у мяст. Івянец (цяпер Валожынскі р-н Мінскай вобл.). Асуджаны асобай нарадай пры НКВД 29.11.1940 як «агент польскіх разведорганаў» да 8 гадоў папраўча-працоўных лагераў. Этапаваны ў Каргапольскі канцлагер НКВД Архангельскай вобл. Вызвалены 31.8.1941. Далейшы лёс невядомы. Рэабілітаваны пракуратурай БССР 6.6.1989. Асабовая справа З. № 26190-с з фотаздымкам захоўваецца ў архіве КДБ Беларусі.

Кр. геагр.: Назвы населеных пунктаў.