ГРАКОВІЧ Вікенцій Антонавіч

[1901, в. Расохі Барысаўскага пав. Мінскай губ., цяпер Лагойскі р-н Мінскай вобл. — ?], службовец. З сялянскай сям’і. Атрымаў сярэднюю спецыяльную адукацыю. Працаваў заатэхнікам у саўгасе «Горкі-Апчак» Мінскай вобл. Быў жанаты, гадаваў васьмярых дзяцей. У час 2-й сусветнай вайны заставаўся на акупаванай тэрыторыі. Арыштаваны 1.2.1945. Асуджаны за «здраду радзіме» 24.11.1945 да 5 гадоў папраўча-працоўных канцлагераў. Вызвалены 29.1.1950. Рэабілітаваны судовай калегіяй па крымінальных справах Вярхоўнага суда БССР 11.11.1960. Далейшы лёс невядомы. Асабовая справа Г. № 16808-с захоўваецца ў архіве КДБ Беларусі.

Кр. геагр.: Назвы населеных пунктаў.