КАРАТАЙ Ксенія Амвросеўна

[1899, в. Прусы Слуцкага пав. Мінскай губ., цяпер Салігорскі р-н Мінскай вобл. — ?], сялянка-аднаасобніца, сястра М. Лужаніна. З бел. сялянскай сям’і. Арыштавана 9.3.1936. Асуджана 21.11.1936 тройкай НКВД за «антысавецкую агітацыю» і «здраду радзіме» да 10 гадоў ППК з канфіскацыяй маёмасці. Верагодна, этапавана ў Карагандзінскі канцлагер НКВД Казахскай ССР. Далейшы лёс невядомы. Рэабілітавана 24.11.1956 ваеннай калегіяй Вярхоўнага суда СССР. Справа К. і некаторых інш. аднаасобнікаў і земляробаў № 10008-с захоўваецца ў архіве КДБ Беларусі.

[Паводле кнігі: т. III, кн. 1, с. 460–461]