ГУРА Іван Пятровіч

[1886, в. Брэжніца Кракаўскага пав., Аўстра-Венгрыя, цяпер Польшча — ?], грамадскі дзеяч. З сям’і рабочага. Атрымаў сярэднюю адукацыю. Быў жанаты, гадаваў траіх дзяцей. На момант арышту (4.10.1939) бургамістр Докшыц. Асуджаны асобай нарадай пры НКВД 4.9.1940 як «кіраўнік фашысцкай арганізацыі «Стральцы» да 8 гадоў папраўча-працоўных работ. Этапаваны ў Сібірскі канцлагер НКВД Новасібірскай вобл. Далейшы лёс невядомы. Рэабілітаваны пракуратурай Віцебскай вобл. 22.12.1989. Асабовая справа Г. з фотаздымкам захоўваецца ў архіве УКДБ Віцебскай вобл.