МУХІН Васіль Макаравіч

[1900, в. Амельянікі Полацкага пав. Віцебскай губ., цяпер Полацкі р-н Віцебскай вобл. – ?], брат Уладзіміра Мухіна. З сялянскай сям’і. Атрымаў вышэйшую адукацыю. У 1920–22 г. у Чырвонай Арміі. У 1930-я г. выкладаў у МБПТ. З жонкай Аляксандрай гадаваў дачку Лідзію. Арыштаваны 3.11.1935 у Мінску па адрасе: вул. Свярдлова, д. 4. Асуджаны 3.3.1936 асобай нарадай пры НКВД за “сувязь з удзельнікамі контррэвалюцыйнай нацдэмаўскай арганізацыі” да 3 гадоў ППЛ. Этапаваны ў Сібірскі лагер НКВД (Марыінск). Далейшы лёс невядомы. Рэабілітаваны Вярхоўным Судом БССР 8.10.1956. Асабовая справа М. захоўваецца ў архіве УКДБ Віцебскай вобл.