КАРАЛЬКО Арсень Іосіфавіч

[1894, в. Міраты Навагрудскага пав. Мінскай губ., цяпер Карэліцкі р-н Гродзенскай вобл. – ?].
З сялянскай сям’і. Атрымаў сярэднюю адукацыю. Працаваў настаўнікам пачатковай школы ў роднай вёсцы. Падчас 2-й сусветнай вайны заставаўся на акупаванай тэрыторыі. Арыштаваны 15.12.1944. Абвінавачваўся ў “сувязі з нямецкай жандармерыяй”. Вызвалены і рэабілітаваны ў перыяд 30.9.–21.10.1946 МДБ Комі АССР. Далейшы лёс невядомы. Асабовая справа К. № п-1271 з фотаздымкам захоўваецца ў архіве УКДБ Гродзенскай вобл.