ГРУШЭЦКІ Вацлаў Казіміравіч

[1900, Радам, цяпер Польшча – ?], муж Ванды Грушэцкай. З мяшчанскай сям’і. Атрымаў сярэднюю адукацыю. Працаваў настаўнікам Віцебскай школы імя Парыжскай Камуны. Уступіў у ВКП(б). Арыштаваны 12.10.1930. Асуджаны 26.1.1931 калегіяй АДПУ як “член контррэвалюцыйнай арганізацыі” і за “антысавецкую агітацыю” да 3 гадоў пазбаўлення волі. 4.7.1931 прыгавораны да ВМП (заменена на 10 гадоў ППЛ). Далейшы лёс невядомы. Рэабілітаваны трыбуналам БВА 14.8.1964. Групавая справа сям’і Грушэцкіх і інш. (усяго каля 40 чалавек) № 12975-п з фотаздымкамі захоўваецца ў архіве УКДБ Віцебскай вобл.