ГАНЖЫН Антон Лявонавіч

[1881, мяст. Чачэрск Рагачоўскага пав. Магілёўскай губ., цяпер райцэнтр Гомельскай вобл. – ?].
З сялянскай сям’і. Атрымаў вышэйшую адукацыю. Працаваў настаўнікам мінскай СШ № 42. Быў жанаты, гадаваў двое дзяцей. Падчас 2-й сусветнай вайны заставаўся на акупаванай тэрыторыі. Арыштаваны 31.12.1944. Асуджаны 3.10.1945 асобай нарадай пры МДБ як “памагаты нямецкіх акупацыйных уладаў” да 5 гадоў пазбаўлення волі. Высланы ў Краснаярскі край. Вызвалены 31.12.1949. Далейшы лёс невядомы. Рэабілітаваны Пракуратурай РБ 6.5.1993. Асабовая справа Г. № 35193-с захоўваецца ў архіве КДБ Беларусі.