ВОЙЦІК Аляксандр Архіпавіч

[1897, в. Дубіцкая Слабада Мінскага пав., цяпер Мінскі р-н – ?]. З сялянскай сям’і. Атрымаў вышэйшую адукацыю. Працаваў настаўнікам няпоўнай СШ в. Жодзіна Смалявіцкага р-на Мінскай вобл. Быў жанаты, меў двое дзяцей. Арыштаваны 6.2.1935. Асуджаны пазасудовым органам НКВД 11.5.1935 за “контррэвалюцыйную дзейнасць” да 4 гадоў ППЛ. Вызвалены 8.6.1937 (?). Далейшы лёс невядомы. Рэабілітаваны прэзідыумам Вярхоўнага Суда БССР 24.7.1957. Групавая справа В. і інш. № 14740 захоўваецца ў архіве КДБ.