ВАСЕРМАН Майсей Хацкелевіч

[1912, мяст. Валынцы Дрысенскага пав. Віцебскай губ., цяпер Верхнядзвінскі р-н Віцебскай вобл. – ?], брат Хаіма Васермана. З мяшчанскай сям’і. Атрымаў сярэднюю спецыяльную адукацыю. Працаваў настаўнікам Храпавіцкай няпоўнай СШ Віцебскага р-на. Быў жанаты, гадаваў дзіця. Арыштаваны 2.3.1937. Асуджаны тройкай НКВД 30.6.1937 за “антысавецкую агітацыю” да 7 гадоў ППЛ. Этапаваны ў Паўночна-Усходні лагер НКВД Магаданскай вобл. Вызвалены 2.3.1944. Далейшы лёс невядомы. Рэабілітаваны прэзідыумам Вярхоўнага Суда БССР 10.8.1956.