БІВЕЙНІС Іван Ігнатавіч

[1915, в. Малькаўка Мсціслаўскага пав. Магілёўскай губ., цяпер Мсціслаўскі р-н Магілёўскай вобл. – ?]. З сялянскай сям’і. Атрымаў сярэднюю спецыяльную адукацыю. Працаваў дырэктарам літоўскай школы ў в. Верацея Дубровенскага р-на Віцебскай вобл. Быў жанаты, гадаваў двое дзяцей. Арыштаваны 26.7.1938. Асуджаны 4.11.1938 тройкай НКВД як “агент польскай разведкі” да 10 гадоў ППЛ. Этапаваны ў адзін з магаданскіх лагераў (пас. Аратуканы Дальбуда). Далейшы лёс невядомы. Рэабілітаваны трыбуналам БВА 6.3.1956. Асабовая справа Б. № 6424-п захоўваецца ў архіве УКДБ Віцебскай вобл.