АРШАЎСКІ Пётр Афанасевіч

[27.7.1887, в. Судзілы Клімавіцкага пав. Магілёўскай губ., цяпер Клімавіцкі р-н Магілёўскай вобл. – ?]. З сялянскай сям’і. Атрымаў сярэднюю адукацыю. Працаваў настаўнікам няпоўнай СШ в. Селішча Клімавіцкага р-на. Арыштаваны 19.11.1937. Асуджаны 29.11.1937 тройкай НКВД за “антысавецкую агітацыю і прапаганду” да 10 гадоў ППЛ. 9.10.1939 рэабілітаваны і 4.11.1939 вызвалены Клімавіцкім раённым аддзелам НКВД БССР. Далейшы лёс невядомы. Асабовая справа А. № 5999 захоўваецца ў архіве УКДБ Магілёўскай вобл.