АБРАМОВІЧ Іван Гаўрылавіч

[1872, Гродзенская губ. – ?]. З сям’і святара. Атрымаў вышэйшую адукацыю. Да арышту працаваў настаўнікам 15-й віцебскай польскай школы. Арыштаваны 12.10.1930. Асуджаны паводле пастановы калегіі АДПУ 26.1.1931 як “член контррэвалюцыйнай арганізацыі” і за “антысавецкую дзейнасць” да 3 гадоў пазбаўлення волі. 4.7.1931 групавая справа А. і інш. (№ 12975-п; захоўваецца ў архіве УКДБ Віцебскай вобл.) перагледжана і тэрмін зняволення павялічаны да 5 гадоў. Далейшы лёс невядомы. Рэабілітаваны трыбуналам БВА 14.8.1964.