ЮДЗЕНІЧ (ЮДЕНИЧ) Кліменцій Уладзіміравіч

[1875, в. Бель Чэрыкаўскага пав. Магілёўскай губ., цяпер Крычаўскі р-н Магілёўскай вобл. — ?], псаломшчык. З духоўнага саслоўя. Служыў у адной з цэркваў Мсціслава. Арыштаваны 23.9.1937. Праходзіў па адной справе з епіскапам Аляксандрам (Раеўскім). Асуджаны 31.10.1937 тройкай НКВД за «антысавецкую агітацыю і прапаганду» да 10 гадоў ППК. Далейшы лёс невядомы. Рэабілітаваны Вярхоўным судом БССР 16.1.1989. Асабовая справа Ю. № 13226 захоўваецца ў архіве УКДБ Магілёўскай вобл.

Кр.: НАРБ, ІКБР.