ШЫРКІН (ШИРКИН) Ляонцій Андрэевіч

[1870, мяст. Баева Горацкага пав. Магілёўскай губ., цяпер Дубровенскі р-н Віцебскай вобл. — ?]. Беларус. З сялянскай сям’і. Да арышту дыякан Увазнясенскага храма ў роднай вёсцы. Быў жанаты, меў пяцёра дзяцей. Арыштаваны 10.1.1930. Асуджаны 3.3.1930 са старастам царквы асобай нарадай пры АДПУ за «антысавецкую агітацыю» дa 6 месяцаў пазбаўлення волі. Далейшы лёс невядомы. Рэабілітаваны 27.11.1989 пракуратурай Віцебскай вобл. Асабовая справа Ш. № 20993-п захоўваецца ў архіве УКДБ Віцебскай вобл.

Кр.: НАРБ, ІКБР; БНДЦЭД.