ШЫМКОВІЧ (ШИМКОВИЧ) Сергій Фёдаравіч

[1865, в. Барсукі Магілёўскага пав. цяпер Магілёўскі р-н — ?]. Беларус. Скончыў духоўную семінарыю, рукапаложаны ў іерэя. Служыў ва Уваскрасенскай царкве в. Чырына Горацкага пав. Магілёўскай губ., цяпер Дубровенскі р-н Віцебскай вобл. З 1909 настаяцель Благавешчанскай царквы в. Малое Савіна (Савіна) Горацкага пав., цяпер Дубровенскі р-н Віцебскай вобл. Арыштаваны 13.2.1930. Асуджаны 9.3.1930 са святарамі Аляксандрам Браўковічам, Іаанам Данькіным і інш. асобай нарадай пры АДПУ за «антысавецкую агітацыю» дa 3 гадоў высылкі. Далейшы лёс невядомы. Рэабілітаваны 27.11.1989 пракуратурай Віцебскай вобл. Асабовая справа Ш. № 20991-п захоўваецца ў архіве УКДБ Віцебскай вобл.

Кр.: Памятная книжка Могилевской губернии.