ШУМАН Іосіф Вікенцевіч

[1881, в. Більдзюгі (Новы Пагост) Дзісенскага пав. Віленскай губ., цяпер Шаркаўшчынскі р-н Віцебскай вобл. — ?], святар. У 1920-я г. служыў катакомбна — у дамах веруючых. З 1932 вартаўнік Мікола-Богаяўленскага сабора ў Ленінградзе. Арыштаваны 24.11.1932 па «царкоўнай справе» (№ п-80743; захоўваецца ў архіве УФСБ па Санкт-Пецярбургу і Ленінградскай вобл.). Асуджаны 8.12.1932 да 5 гадоў ППК. Далейшы лёс невядомы.

Кр.: Санкт-Петербургской епархии Синодик.