ШАВЕЛЬСКІ (ШАВЕЛЬСКИЙ) Матфей Мітрафанавіч

[1872, Віцебскі пав. (?) — ?], псаломшчык адной з цэркваў Усвяцкага р-на Пскоўскай вобл. Арыштаваны 12.11.1937. Асуджаны 14.12.1937 тройкай НКВД СССР па тагачаснай Зах. вобл. за «антысавецкую дзейнасць» да ВМП. Расстраляны. Рэабілітаваны 7.4.1958.

31.7.1937 у в. Мішкава Віцебскага р-на, цяпер у межах Віцебска, арыштаваны Шавельскі Іван Мітрафанавіч (н. ў 1868 у сям’і святара), верагодна, брат Матфея Шавельскага. 17.8.1937 асуджаны тройкай НКВД як «член контррэвалюцыйнай антысавецкай арганізацыі» да ВМП і 26.8.1937 расстраляны ў Віцебскай турме НКВД. Рэабілітаваны 5.5.1959 Віцебскім абл. судом. Яго асабовая справа № 9495-п захоўваецца ў архіве УКДБ Віцебскай вобл.

Кр.: Не предать забвению. Псков.