ЧАРНЫШ (ЧЕРНЫШ) Пётр Цярэнцевіч

[1873, в.  Палашчанкоў Чарнігаўскай губ., цяпер Украіна — ?]. Украінец. У 1930-я г. настаяцель Мікалаеўскай царквы в. Камаровічы, цяпер Чэрыкаўскі р-н Магілёўскай вобл. Арыштаваны 8.1.1935. Асуджаны 1.4.1935 паводле пастановы калегіі НКВД за «антысавецкую агітацыю» дa 5 гадоў пазбаўлення волі. Высланы ў Казахстан. Далейшы лёс невядомы. Рэабілітаваны 14.11.1989 пракуратурай Магілёўскай вобл. Асабовая справа Ч. № 13720-сн захоўваецца ў архіве КДБ Магілёўскай вобл.

Кр.: Памяць: Гісторыка-дакументальная хроніка Чэрыкаўскага раёна. Мн., 1994.