СЕЛЯЗНЁЎ (СЕЛЕЗНЕВ) Фёдар Яфрэмавіч

[17.2.1879, в. Фокіна Віцебскага (?) пав., цяпер Віцебскі р-н — ?]. Беларус. З сялянскай сям’і. Да арышту стараста царквы ў роднай вёсцы. Быў жанаты, меў пяцёра дзяцей. Арыштаваны 18.9.1937. Асуджаны 25.10.1937 з шэрагам свяшчэнна- і царкоўнаслужыцелей тройкай НКВД за «антысавецкую дзейнасць» дa 10 гадоў ППК. Далейшы лёс невядомы. Рэабілітаваны ў ліст. 1989 пракуратурай Віцебскай вобл. Асабовая справа С. № 21326-п захоўваецца ў архіве УКДБ Віцебскай вобл.

Кр.: БНДЦЭД.