СВІРЫДАЎ (СВИРИДОВ) Іаан Пахомавіч

[24.6.1876, в. Свісцёлкі Аршанскага пав. Магілёўскай губ., цяпер Аршанскі р-н Віцебскай вобл. — ?], святар. Беларус. З духоўнага саслоўя. Арыштаваны 10.3.1930 у в. Ройна (?) Полацкага р-на Віцебскай вобл. Асуджаны 14.3.1930 са святарамі Міхаілам Квяткоўскім, Іосіфам Шаткоўскім, старастам і актыўнымі прыхаджанамі асобай нарадай пры АДПУ за «контррэвалюцыйную дзейнасць» дa высылкі (тэрмін не ўказаны). Пасля вызвалення вярнуўся на радзіму. Жыў у Оршы, працаваў рознарабочым. Зноў арыштаваны 20.11.1937 у Оршы па адрасе: 2-і Магілёўскі зав., д.  8б. Прыгавораны тройкай НКВД за «антысавецкую агітацыю» да 10 гадоў ППК. Далейшы лёс невядомы. Па першай справе (№ 20982-п; захоўваецца ў архіве УКДБ Віцебскай вобл) і па другой (№ 21239-п; захоўваецца тамсама) рэабілітаваны 27.11.1989 УКДБ Віцебскай вобл.

Кр.: НАРБ, ІКБР; БНДЦЭД.