САЗОНІК (САЗОНИК) Іаан Іванавіч

[1890, в. Бенцяі, цяпер Віцебскі р-н — ?]. Беларус. З сялянскай сям’і. Падчас арышту выконваў абавязкі дыякана ў царкве ў роднай вёсцы. Быў жанаты, меў чацвёра дзяцей. Арыштаваны 24.5.1928. Асуджаны 8.10.1928 асобай нарадай за «антысавецкую агітацыю» да 3 гадоў пазбаўлення волі. Далейшы лёс невядомы. Рэабілітаваны 10.4.1992 пракуратурай Віцебскай вобл. Групавая справа С. і інш. № 17191-п захоўваецца ў архіве УКДБ Віцебскай вобл.

Кр.: БНДЦЭД.