РАЖКОЎСКІ (РОЖКОВСКИЙ) Сцяфан Міхайлавіч

[1864, в. Вузла Вілейскага пав. Віленскай губ., цяпер Мядзельскі р-н Мінскай вобл. — 10.11.1937, Ленінград, турма НКВД], святар. Беларус. У 1910-я г. служыў у Віленскай епархіі. Падчас арышту настаяцель храма Афонскага падвор’я ў Ленінградзе. Арыштаваны 2.10.1937 у Ленінградзе па адрасе: вул. 7-я Чырвонаармейская, д. 30, кв. 71. Асуджаны камісіяй НКВД і пракуратуры СССР 3.11.1937 за «ўдзел у  контррэвалюцыйнай шпіёнскай тэрарыстычнай арганізацыі» да ВМП. Расстраляны.

Кр.: Ленинградский мартиролог.