ПАІСІЙ (ЯНУКОВІЧ)

[Пётр Цімафеевіч; 1880, Старобін Слуцкага пав. Мінскай губ., цяпер Салігорскі р-н Мінскай вобл. — кастр. 1937 (?), Магілёў, турма НКВД], ігумен. Беларус. Арыштаваны ў верас. (?) 1937 у в.  Алехавая (?) Магілёўскага р-на. Асуджаны 28.9.1937 тройкай НКВД за «контррэвалюцыйную дзейнасць» да ВМП з канфіскацыяй маёмасці. Расстраляны. Рэабілітаваны 9.4.1966 пастановай Магілёўскага абл. суда. Групавая справа П. і інш. № 9171 захоўваецца ў архіве УКДБ Магілёўскай вобл.

Кр.: НАРБ, ІКБР; БНДЦЭД.